View allAll Photos Tagged paste
السلام عليكم ورحمة الله وبركاته
صآر لي فترة قاطعة والسبب اني كنت مشغولة شوي
لكن اليوم جيت لكم بموضوع ابي اكلمكم فيه واتوقع عرفتوه من العنوان والصورة اللي تعبر عنه
موضوع اللي يحطون كومنتات كوبي بيست
اتوقع انا تكملت بهالموضوع قبل سنتين ولكن للاسف ماكو فايدة ;S
يتم لحين ناس وايد يمشون من فلكر لفلكر يحطون كومنتات كوبي بيست غير الصور بكومنتاتهم
انا بس ابي اعرف شنو الهدف من هالكومنات ؟ انك تخلي العالم يدشون فلكرك واتيييمع كومنتات على قلبك !!
وشنو استفدنا احنا من كومنتك السخيف (مع احترامي) اللي تحطه للكل ؟
طبعا ماستفدنا شيييي -_- !!
ياعالم ياناس فهموا شووووي تره الفلكر حق هواة التصوير وعشان انوري بعض مهارتنا بالتصوير ونشجع وننتقد شغل بعض
مب عشان انيمع كومنتات ونفتخر قدام ربعنا والله شوفوا هالصورة وصلت كم كومنت ;@
ادري ماكو فايدة من كلامي لان وايد تكلمنا بهالموضوع وبيتم في ناس متخلفين يحطون كوبي بيست
بس من صوبي انا لاني انا تعودت احط كومنت لاي شخص يحط لي , اللي بيحط لي كومنت كوبي بيست راح ادش فلكره واحط له نفس الكومنت اللي هو حاطه
بس عشان يعرف شنو شعور المصور اللي يتعب ويشقه بالتصوير واخر شي يلقه كومنت انحط حق 100 غيره بدون لا تشجيع ولا نقد للصورة
واسفة طولت عليكم بس جد الموضوع باط جبدي ومطفرني
وبغيت اقول شغلة للبنات اللي كل يوم مطرشين لنا برودكاستات بالبيبي حذفوا صورتي تراها انتشرت
بليز اللي ماتبي صورتها تنباق لا تحطها بـ الفيس بوك والفلكر والبيبي
لان اللي بتحط صورتها تحط احتمال 99% ان العالم بيبوقونها والنت مافيه كلش حماية
فـ بليز بنات خافوا ربكم شوي لان هالشي غلط وحرام واحتفظوا بصوركم لنفسكم
عشان ماتيوون بكرة تقولون صورتي انباقت وانتشرت حذفوها
وسامحوني مرة ثانية عالتطويل :-)