it dread inna inglan.

dem frame-up George Lindo

up in Bradford Toun

but di Bradford Blacks

dem a rally roun

 

mi seh dem frame-up George Lindo

up in Bradford Toun

but di Bradford Blacks

dem a rally roun...

 

Maggi Tatcha on di go

wid a racist show

but a she haffi go

kaw,

rite now,

African

Asian

West Indian

an' Black British

stan firm inna inglan

inna disya time yah

 

far no mattah wat dey say,

come wat may,

we are here to stay

inna Inglan,

inna disya time yah...

 

George Lindo

him is a working man

George Lindo

him is a family man

George Lindo

him nevah do no wrang

George Lindo

di innocent one

George Lindo

him noh carry no daggah

George Lindo

him is nat no rabbah

George Lindo

dem haffi let him go

George Lindo

dem bettah free him now!

 

it dread inna inglan

Done