View allAll Photos Tagged dita
Estrenando su nueva peluca que el suyo ya estaba muy echo polvo,la veo diferente pero creo que ha ganado mucho con el cambio
Dita Boterore e Mjedisit, Ecovolis: Dashuria per ambientin ekziston edhe ne vendin tone
5 Qershori, Dita Botërore e Mjedisit, bashkoi edhe këtë vit, ashtu si vitin e kaluar, përfaqësitë ndërkombëtare në një Stafetë të Gjelbër që shpërndau frymën pro-ambientaliste në rrugët e lagura të kryeqytetit. Iniciativa e të rinjve aktivistë të Ecovolis u vërtetua shumë e suksesshme edhe pse kushtet moteorologjike nuk premtonin një aktivitet të tillë.
Stafeta e gjelbër kaloi dorë më dorë nga përfaqësitë diplomatike, ndërsa Shqipëria, përveҫ të aktivistëve të Ecovolis u përfaqësua dhe nga Zonja e parë e vendit, Odeta Nishani. Përfaqësia e SH.B.A, kryesuar nga Zv. Ambasadori, Z. Henry Jardine, dha shembullin e mirë të pedalimit jo vetëm të kujdesshëm, por edhe të pajisur me të gjithë aksesorët dhe masat e sigurisë, që rrallë herë i shohim të respektohen në vendin tonë.
Kjo stafetë me frymën e saj perëndimore kaloi gjithashtu përmes përfaqësive zyrtare hollandeze, angleze, franceze etj, për t'iu dorëzuar Zv. Ministrit të Mjedisit, Z. Taulant Bino.
Shiu i rrëmbyer nuk dekurajoi asnjë nga përfaqësitë dhe të rinjtë vullnetarë. Madje padashje ky shi e bëri edhe më argëtuese stafetën, e cila edhe sivjet vërtetoi se fryma e komunitetit dhe dashuria për ambientin ekziston edhe në vendin tonë, dhe na takon ne të gjithëve ta ushqejmë e ta përhapim, jo vetëm në ditën botërore të mjedisit, por përditë e në ҫdo hapësirë që ndjejmë se mjedisi ka nevojë për ne.
Aktivitetet e kësaj dite vazhdojnë me stafetën që në këtë moment po i drejtohet zonës së Kasharit, për t'u kthyer pak më vonë drejt Liqenit Artificial, ku banorëve të kryeqyetit do t'i prezantohen nisma të tjera dashamirëse ndaj mjedisit.