SINDO MOSTEIRO
Sol, lúa e estrelas no ceo de Santa Mariña de Ozo, s. XVI.
ECLIPSES
Hei de mirar os eclipses por ti
os escondedoiros do Sol e da Lúa
hei de mirar por ti
os que pasarán por encima
dos meus incertos camiños
ao longo do rumor da miña gorxa.
Mirareinos coa largura da primavera
cos ollos certeiros do falcón
coa sede do iris e a gratitude dos lirios.
Mirareinos mesmo sorrindo
dende os patamais da eternidade.
Sorrindo mesmo mirarei os eclipses todos
coa calor do teu silencio
e a saciedade dos meus risos de xeo e nubes.
Mirarei os eclipses todos
por ti e por min mirareinos
escudriñando a espesura do futuro
atravesando os oasis dos morangos
e os resplandores das mazás na estratosfera.
Mirareinos coas olladas dos amenceres e os solpores
mirareinos ata sermos capaces de filtrar
os átomos imaxinarios da cegueira
e as esencias da saudade das galaxias.
Antón Cortizas Amado, Nos páramos da lúa.
MÚSICA: Diana Krall - Fly Me To The Moon
Sol, lúa e estrelas no ceo de Santa Mariña de Ozo, s. XVI.
ECLIPSES
Hei de mirar os eclipses por ti
os escondedoiros do Sol e da Lúa
hei de mirar por ti
os que pasarán por encima
dos meus incertos camiños
ao longo do rumor da miña gorxa.
Mirareinos coa largura da primavera
cos ollos certeiros do falcón
coa sede do iris e a gratitude dos lirios.
Mirareinos mesmo sorrindo
dende os patamais da eternidade.
Sorrindo mesmo mirarei os eclipses todos
coa calor do teu silencio
e a saciedade dos meus risos de xeo e nubes.
Mirarei os eclipses todos
por ti e por min mirareinos
escudriñando a espesura do futuro
atravesando os oasis dos morangos
e os resplandores das mazás na estratosfera.
Mirareinos coas olladas dos amenceres e os solpores
mirareinos ata sermos capaces de filtrar
os átomos imaxinarios da cegueira
e as esencias da saudade das galaxias.
Antón Cortizas Amado, Nos páramos da lúa.
MÚSICA: Diana Krall - Fly Me To The Moon