MOON

i'm sorry , but the reason I didn't have any new photos is that my camera was disrupted

 

سامحوني لعدم تصويري أي أعمال و أفكار جديدة ، لكن السبب هو أن العدسة تعطلت عندي و ماعندي غيرها

 

ماهوب كفو الوقت حبك يمحّيه

ياللي تخاف صروف الايام تمحاه

 

 

 

ارتاح دام ان المواصل يقويه

انت . انت وانا . انا وقلبي هو إياه

 

 

حتى ولو بتغيب ذكراك تكفيه

ياواحدٍ تكفي عن الناس ذكراه

 

 

حُبك على رملة خفوقي مواطيه

ورياح عذلي عَنك ماتمسح خطاه

 

 

واللي يعذل القلب عن درب غاليه

( يالله عسى اللي يبلا المواليف يبلاه )

 

 

اخفيه يابلفيت والحال يبديه

ادناة واحد ينظر الحال يقراه

 

 

اخفيه فيه ومعتنيٍ به وحاميه

عن كل عينٍ ودها تنزل حماه

 

 

قلبٍ يحبك والهوى الذرب ماليِه

كانك مكذبني بعينك تحلاه

 

 

شرط . ان تشوفك فيه منت بحواليه

ويمكن تشوف ديار واماكن رعاه

 

ب

 

كذيه ومن الله يازين وإليه

واغلى طروش القلب ودواه من داه

 

 

الحلم ياتيني بزولك واراعيه

وفي كل حلم اقوم قبل اتحفاه

 

 

 

واعشق سميك في البزارين وادعيه

واقبل خطاه الا اخطى واتلقاه

 

 

 

واسمك يروعني اذا مرّ طاريه

واحب ملقوفٍ يسولف وطراه

 

 

وامرّ بيتك من بعيدٍ ولا اجيه

وانا لو انه في يدي ماتعداه

 

 

 

حتى تواير موتري تلتفت فيه

تبغي تلفّ ويستحي العقل والجاه

 

 

 

وصلك يخيط الصدر والبعد يفريه

ويابري حالي كان صديت برياه

 

 

 

ويلي على ادري حبنا ويش تاليه

وويلي على ادري وش ورى الغيب ويلاه

 

 

 

عشان اشوف اذا محبتك ترفيه

والله لاقفي عنك . استغفر الله

 

 

 

Done