The Day She Left

Jo meri ankhoon say khawaab dakho

to aik bhi shab na so sako gai

ke laakh chaho na hans sako gai

hazaar chaho na ro sako gai

ke khawaab kia hain azaab hain yeh

meray dukhoon ki kitaab hain yeh

rifaqatain in main chhoot ti hain

mohabbatain in main rooth ti hain

lapat ti hain in main wehshatain si

aziyatain in main phoot ti hain

inhi ke dar say hain khizan main jazbay

inhi say shakhain si toot ti hain

ghamoon ki bandish hain khawaab meray

dukhoon ki baarish hain khawaab meray

ubal raha hay dukhoon ka lawa

rehene aatish hain khawaab meray

khayaal saray jhulas gaye hain

sulagti khawahish hain khawaab meray

ukharti sansain hain zindagi ki

hawa ki sazish hain khawaab meray

jo meri ankhoon say khawaab daikko

jo meri ankhoon say khawaab daikho

to aik bhi shab na so sako gai

(Wasi Shah)

Done