Ishq mujhko nahin wahshat hi sahi

Meri wahshat teri shohrat hi sahi

 

Qat’aa kieje na taa’alluq hum se

Kuchh nahin hai to adaawat hi sahi

 

Mere hone main hai kya ruswaai

Ye woh majlis nahin khalwat hi sahi

 

Hum bhi dushman to nahin hain apne

Ghair ko tujh se mohabbat hi sahi

 

Apni hasti hi se ho jo kuchh ho

Aagahi gar nahin ghaflat hi sahi

 

Umr harchand k hai barq-E-kharaam

Dil ko khoon karne ki fursat hi sahi

 

Hum koi tark-e-wafaa karte hain

Naa sahi ishq, museebat hi sahi

 

Kuchh to de Ae falak-e-na-insaaf

Aah-o-fariyaad ki rukhsat hi sahi

 

Hum bhi tasleem ki khoo dalenge

Be – neyaazi teri aadat hi sahi

 

Yaar se cheda chali jaaye “Asad”

Gar nahin wasl to hasrat hi sahi