kya poochte ho abide khasta jigar ka haal

Nohaqan: Tableeq e Imamia (Nazim Hussain)

 

kya poochte ho abide khasta jigar ka haal

gham se kabhi bukhaar ki eeza se thay nidhaal

abbas o aur qasim o akbar ka tha malaal

yaad aa rahe thay aun o mohamed se naunehaal

ashoor ka tha din to qayamat ki raat thi

namoose mustufa ki hifazat ki raat thi

kya poochte ho....

 

jab zaalimo ne aag lagayi qayam may

quwwat nahi thi utne ki paaye imam may

dena tha imtehan bhi ek raahe shaam may

ek daagh aur bad gaya maahe tamam may

qaimo may aaj se thi jo zainab ko bekali

sajjad uth khade hue kehkar ke ya ali

kya poochte ho....

 

qaima jala to khaak ke upar basar hui

mushkil tha aaj subho ka hona magar hui

har baat zaalimo se jo eebay asar hui

abid ko jab aseeri ki apni khabar hui

kehne lage ke jaata hoo baba salam lo

haq may mere zaroor duaon se kaam lo

kya poochte ho....

 

tar karbala ko aapne kis sabr se kiya

mere liye hai koofe se ta shaam faasla

kuch kam nahi hai waise to mera bhi hausla

namoose mustufa ka hai dar pesh marhala

jaayengi nange sar phupi darbar e shaam may

dekhunga mai ye taab kahan hai ghulam may

kya poochte ho....

 

itne may qaid karne ko aa pahunche ashkiyan

kehne lage phupi se ye bemaar e karbala

balon se moo chupa lo jo sar par nahi rida

manzil kathin hai aaj ki behtar kare khuda

mushkil may ya ali madadi kehna baar baar

bachon se aur bali se hoshiyaar

kya poochte ho....

 

abid ki natawani pe hairaan thay layeen

manzil ko tar karega ye aata na tha yaqeen

ye itna ghamzada hai ke mar jayega kahin

iske sabaat o himmat o jurrat pe aafreen

ye azm hai ke khafila salaar ban gaya

aisa chala ke waqt ki raftaar ban gaya

kya poochte ho....

 

yun karbala se ujda hua khafila chala

jaise kisi ka khafila salaar mar gaya

oonto se girte jaate thay bache bhi jan bajan

aayi sar e hussain se besaaqta sada

kis haal may ho bachi pe meri nazar nahi

zainab sakina gir gayi tumko khabar nahi

kya poochte ho....

 

Done