LABAIK YA HUSSAIN A.S

Hai aaj bhi zamanay maeyn charcha Hussain ka

Chalta hai kayenaat maeyn sikka Hussain ka

 

Bharat maeyn gar wo aatay, Bhagwan kahtay hum

har Hindu naam pooja maeyn japta Hussain ka

 

 

Iss maeyn naheen kalaam kay hum but parast haeyn

Aankhon say apni choomaeyn gay rauza Hussain ka

 

Hum paapion kay samnay Hur ki misaal hai

Chamkata hai naseeb ishara Hussain ka

 

Ahlay Wial to parrhtay haeyn kalma Hussain ka

Hum hindo'oan nay parrh liya kalma Hussain ka

 

Sar apna jo patakti hai piyason ki yaad maeyn

Laytee hai naam Gunga o Jumna Hussain ka

 

Jai Singh panaah mangay gee mujh say narak ki aag

Maeyn Hindu hoon, magar hoon maeyn shaida Hussain ka

Done