『في يوم عـزك ياوطـن نحـظن العنـابي 』

www.missqatar.net/audioListen.php?id=83&s=qatar18.rm

 

قطر وانتي العروس اللي ولو زان الشعر ماطال

شموخك لو نزف حرفه حشى والله ماطاله

 

بلاد الخير وانتي الخير نعم يادوحـه الامـال

يشـرف شاعرك يكتب ويرفع فيك منزاله

 

لانك من خلقك الله على مر الزمـن مدهـال

رجـال تعشـق العليا وفعـل الخير تعناله

 

هاللمنكوس والعرضه وصوتن يزعج الهوبال

لهم فزعه ليا صاح المنادي وطوح عقاله

 

ورجالن بالبحر غاصت طربها في صدا اليامال

تشـوف الموت بهوال الخليج ولاتهياله

 

حضر والا بدو عاشو بـعـزه ماانحنـو باذلال

حديهم بالشدايد صلب ويرخص دونك عياله

 

تحت رايه حكيم الراي سليل الجود والافعال

حمـد شيخ الشيوخ اللي رفيع المجد يرقاله

 

الامن شدت الكربه وكثرت بعـدها الاقـوال

ابـومشعـل ولاغيـره يطابق قوله افعاله

 

تشوف الطيب في وجهه وحلمن ترتجيه اجيال

وشـرن للعـدا ينذر قبل لايـدق زلزاله

 

كريمن لا عطا يعطي مثل مايعطي الهمـال

يـعـم الخير بدياره عساها دوم تهناله

 

عطوفن كم دعا في ليل يتيم ومقعد واطفال

لان مالهـم غـيره وبعد ظل الله اظلاله

 

حفظك الله وثم تبقى ذخر يا مظرب الامثال

الا يامن على الحسنى تطول وتارد حباله

 

وهني ياقطر في شيخ ولو طال الزمن مامال

ابــد مامال منه كود زيادت طيب بفعاله

Done