School Routine, Push The Start!

بسم الله الرحمن الرحيم

 

السلام عليكم ورحمة الله وبركاته ،،،

 

وصلنا أمريكا..

وبدت الجامعة لا بارك الله فـ العدو

 

أول يوم بالصيف كنت اتخيل اول يوم دراسة لي واضحك على هالموقف

والحين أتذكر يوم كنت اسوي هالحركة وأحس اني أمصخرني !!!

= \

 

وانا بمطار الملك خالد بالرياض جالس اطقطق بالبي.بي وانا شاحنه فل << حماس ما قبل الرحلة

وبإنتظار الرحلة صار لون البطارية أصفر ..O_O

ركبت الطيارة وانا عارف ان وراي انتظار ثاني بأمريكا وبطفش .. فـ طفيت الجوال بالطيارة عشان اقدر اسولف هناكـ

وأول مرهـ الحمدلله أنام كل الـ ١٢ ساعة بالطيارة ولا اطفش ...

وصلت واشنطن .. واخذ لي لفه و رحت لدانكن اخذ لي قهوة

واطلع بوكي واخذ اهم بطاقة عندي واحاسب فيها .. بعدين حطيت البطاقة في جيبي وخليت البوك بإيدي

 

المهم رحت جلست انتظر رحلتي الثانية وجلست اتقهوى واسولف بالجوال ..

جت رحلتي الثانية واخذ كل اغراضي من الطاولة ونسيت البوك .....!!

وما انتبهت الا يوم وصلت البيت .......

اشوووى اني شريت ذاك الكوب وحطيت البطاقة في جيبي

ولا كان اصير حافي منتف فوق ضيقة الصدر

وبلغت عن البوك بالمطار وانا الان انتظر رد منهم ..

 

والبوك مليان بطاقات بنكيه .. كل يوم اشيك عليها حساب حساب اشوف انسحب منها ولا لا

ومابي اكنسل البطاقات لان عندي تفائل اني بحصل البوك ومابي اخسر البطاقات .. <<< التفائل اللي بيخليك مزروف على وجهك ههههههههههه

 

ودعواتكم لنا بالتوفيق بالدراسة والحياة

 

هذا يوزري بالإنستقرام للي ما شرفنا وقرا القصة السابقة

@Abdullaamm

 

 

Abdulla At-tamimi © | Facebook | Google+ | Ask me! | Twitter

Do NOT use this photo in any way without having my permission.

 

CAUTION : comments contain ads or pictures will be removed.

تنبيه : التعليقات التي تحتوي على اعلانات او صور سوف يتم حذفها.

Done