inextricabilis error La sphinge

Le monstre Sphinx, representant chose difficile, &

de profonde intelligence fut la Devise du susdit Augu-

ste Cesar, au commencement de son Empire. Comme

voulant sinifier par icelui, ne devoir le secret, dessein, &

intencion d’un Prince estre divulgué aucunement: consi-

derant qu’il n’y ha pas les choses hautes, ores les saintes

& divines, qui ne perdent leur autorité quand elles

sont par trop familieres & corractees entre la Populas-

se. Cause jadis qui mouvoit les Egipciens d’affiger ce [M]

Sphinx devant leurs temples. Deux de ces monstres

Sphinx (comme dit Pline) avoit trouvé au paravant le

dit Auguste, entre les anneaux de sa mere,[1] lesquelz se

ressembloient se vivement, qu’on ne les pouvoit discer-

ner. De l’un desquelz ses amis pendant les guerres ci-

viles seelloient les edits, lettres, & despesches en son ab-

sence: selon que la disposicion du tems le requeroit. Ce

que confirme Dion escrivant que icelui Auguste estant [M]

en Attie,[2] Agrippa & Mecenas aministroient les afai-

res à Romme: lesquelz avoient puissance d’ouvrir &

voir les lettres qu’il envoyait au Senat avant tous au-

tres. Et pour cette cause receurent un cachet de lui,

pour cacheter, auquel estoit gravé un Sphinx. Devise

toutefois (comme d’avantage dit Pline) qui ne fut sans [M]

moquerie & irrision, par les Enigmes que ce Sphinx

aportoit: vù que telle chose donna ocasion au brocard,

par lequel on disoit qu’il n’estoit pas de merveilles si le

Sphinx proposoit des Enigmes. A raison dequoy Augu-

ste (pour eviter telles moqueries, cessa de plus en signer,

& signa un tems de l’image d’Alexandre le Grand, [M]

puis finablement de la sienne mesmes. De laquelle signa-

rent aussi apres comme lui, Tibere, Caligule, Claude Ce-

sar, Domician, & autres ses successeurs en l’Empire.

Done