Yr Wythfed Rhyfeddod / The Eighth Wonder

Un peth ydy’r Taj Mahal,

Neu’r Gerddi Crog hynny y clywsom

Amdanyn nhw ym Mabilon,

A’r Rhyfeddodau eraill hynny

Yn y byd a fu, dros oesoedd maith,

Yn gwneud cyfanswm crwn o saith.

 

Ond beth am hwn,

Yr adeiladwaith hynod hwn?

A fu yn hanes hen y byd

Hysbyseb y’w gymharu â hwn

I rai a ymorchestai

Yn eu gwaith o g0di tai?

 

A fu lliwiau i’w hedmygu

Yn debyg i rai sinc hynafol iawn yn rhydu?

A fu yn hanes hir ffenestri

Rai fel yr rhain’ddyfeiswyd i dywyllu?

A fu drws uwch drws yn unlle

I droedio drwyddo fo i wagle?

A dacw gorn, di-fwg wrth reswm,

I gadw’r lle yn oer ar hirlwm.

 

Mae gennym le i hawlio hwn

Fel yr wythfed yn ein dwthwn

O holl Ryfeddodau ein byd crwn;

Ond y mae iddo’i hawl, un ddigyfaddawd

Hefyd i fod

Yn Ryfeddod Cyntaf y bydysawd.

Done