Back to photostream

nanneddu meu

naneddu meu

 

 

Nanneddu meu di Peppino Mereu

 

Nanneddu meu, su mundu er gai:

a sicut erat non torrat mai.

Semus in tempus de tirannia

infamidade e carestia.

Como sos populos cascan che cane

gridende forte: "Cherimos pane".

Famidos nois semos pappande

pane e castanza, terra cun lande.

 

Terra ch'a fangu torrat su poveru

senz'alimentu, senza ricoveru.

Semos sididos in sas funtanas

pretende s'abba parimos ranas.

Peus sa famene chi forte sonat

sa janna a tottus e non perdonat.

Avocadeddos laureados

busciacca boida, ispiantados.

 

In sas campagnas pappana mura

che capras lanzas in sa cresura.

Cand'est famida s'avvocazia

cheret chi penset in beccaria.

Mancu pro sognu su quisitu

es de cumbincher tantu appetitu.

Sos tristos corvos a chie los lassas

pienos de tirrias e malas trassas.

 

Canaglia infame piena de braga

cheret s'iscetru, cheret sa daga.

Ma no bi torran a sos antigos

tempos d'infamia e de intrigos.

Pretan a Roma, mannu est s'ostaculu:

ferru est s'ispada, linna est su bacculu.

S'intulzu apostulu de su segnore

si finghet santu, ite impostore.

 

Sos corvos suos tristos molestos

sun sa discordia de sos onestos.

Maccos famidos, ladros, baccanu

faghimos: nemos alzet sa manu.

Adiosu Nanne: tenedi contu,

faghe su surdu, bettadi a tontu.

Ca tantu, l'ides, su mundu er gai:

a sicut erat no torrat mai.

 

 

TRADUZIONE:

 

Nannedu mio, così va il mondo: com'era non torna più: Viviamo tempi di carestia, di disgrazia e tirannia. Da cani ora cade la gente, gridando forte "Vogliamo pane". E noi affamati stiamo mangiando pane e castagne, terra con ghiande.

 

Il poveraccio è malridotto, privo di cibo e senza tetto. Siamo assetati e, alle fontane, bramando acqua sembriamo rane. Peggio, la fame bussa con forza ad ogni porta e non perdona. Avvocatini, si, laureati, ma tasche vuote, ultraspiantati.

 

Nelle campagne mangiano more, come le capre in mezzo ai cespugli. Quando hanno fame, gli Avvocatini,meglio che pensino a trovar cibo. Manco per sogno, il loro problema è alleviare tanto appetito. E a chi li lasci i corvi tristi, pieni di vizi e brutti vizi!

 

canaglia infame, piena di orgoglio, vuole lo scettro ed il comando, ma non ce la fa a ritornare ai tristi intrighi dei vecchi tempi. Brigano a Roma, grande è l'ostacolo: ferro è la spada, legno è il bastone. Lo stolto apostolo del Signore si finge santo, bell'impostore!

 

I corvi suoi, tristi e molesti, sono la discordia degli onesti. Matti, affamati, facciam baccano: e che nessuno alzi la mano. Ciao Nanni, e datti conto: fai sempre il sordo, fai sempre il tonto. tanto, lo vedi, così va il mondo: e come era non torna più.

 

 

1,355 views
6 faves
10 comments
Uploaded on September 15, 2011
Taken on September 15, 2011