Traffic in Karachi

Karachi ki teez raftaar zindagi mujhay kabhi samajh nahi ai. Yahan har koi jaldi main nazar ata hay. Aur ye jaldi sirf baray kamoon kay liye hi nahi ki jati jesay kisi ko zindagi main agay barhnay ki jaldi hoti hay ya kisi ko promotion ki jaldi hoti hay bal kay choti choti batoon ya kamoon main bhi wazèh tor par dekhi ja sakti hay. Jesay agar kisi ko kahin Jana hay to signal ki batti hari honay ka bhi intezaar karnay ki fursat nahi hoti. Aur jaldi bhi kiyon na ho. Is shehar ki teezi ka jawab bhi to nahi. Jo is shehar kay bahaao kay sath nahi chal pata wo kahin pechlay hi reh jata hay. Itna pechay kay har morh par khud ko sub say pechlay reh jantay walay logon main dekhna hay. Jabhi shayad ye teezi mizaj ka bhi hissa ban gai hay. Aik kahawat shayad is liye mashoor hay kay Karachi kay mosam, logon aur halaat Ka kuch bharosa nahi. Wo bhi buhat teezi say badaltay hain.

 

#Karachi #peopleofkarachi #lifeinametro #karachiites

Done