Xp Alvarez
Ninth Day
PANGAMUYO SA KADA ADLAW
Langitnon nga Amay, paagi sa sini nga nobena sa kadungganan sang among Serapikong Amay kag patron, San Francisco de Asis, ang nangin laragway sang Imo Anak diri sa kalibutan, luyag namon hibaloon ang iya pagkabala-an kag pagkasantos agud maaman namon ang amon kaugalingon padulong sa Imo. Buligi kami nga maagom ang himpit nga konbersyon agud nga kaangay ni San Francisco, amon mapa-abot sa Imo sa bug-os namon nga kusog sa bug-os namon nga tagipusoon kag kalag nga GINOO KO! IKAW ANG TANAN SA AMON!
IKASIYAM NGA ADLAW:
Mateo 18:19-20
Si Jesus nagsiling, “Nagasiling pa gid ako sa inyo, nga kon duha sa inyo maghisugot diri sa duta nahanungod sang butang nga inyo pangayuon sa pagpangamuyo, ina pagahimuon para sa inyo sang akon Amay sa langit. Kay kon diin ang duha ukon tatlo nga nagatipon sa akon ngalan, yara ako sa tunga nila.”
GIYA: Langitnon nga Amay, nagapangabay kami nga unta sa Imo kami batunon sa pag-alagad sa Imo. Paagi sa pagpangamuyo sining pangamuyo sang paghidaet.
TANAN: Ginoo, himoa kami nga instrument sang Imo paghidaet. Kon may kaakig sa amon tagipusoon, ipabatyag sa amon ang gugma. Kon may nakasala, magpatawad. Kon may pagduhaduha, pagtuo. Kon may kabutigan, kamatuoran. Kon nadulaan sang paglaum, maglaum. Kon may kadulom, kasanag kag kon may kasubo, kalipay.
O Balaan nga Ginoo, itugot nga indi ako maghandum sang sobra sa akon kinahanglanon. Nga pagalugpayan, subong nga maglugpay man sa iban. Nga mahangpan, subong nga maghangop man. Nga paghigugmaon, subong na maghigugma man. Tungod kon kita nagahatag, kita makabaton man, kon kita nagapatawad, kita ginpatawad man. Kag kon kita ang mapatay, dira kag matawo kita sa kabuhi nga wala sing katapusan. Amen.
PANGAMUYO SA KATAPUSAN
Halangdon nga San Francisco, nakita mo ang himpit nga kasadya sa pagpa-ubos kag padayon nga pag-antos. Ginahakus mo ang kabuhi ni Jesukristo, dayon nangin tampad siya sa imo pagtuo tubtob nga imo man naagom ang Iya pag-antus. Hatagi kami sing kusog kag kaisog sa pagkabuhi nga may paghigugma nga amo ang magadala sa amon sa kabuhi nga wala sing katapusan sa diin ang matarong mangin halangdon kag dalayawon sa Ginharian sang Dios, imol man sa duta-on nga butang apang napun-an sang Diosnon nga manggad.
O Serapikong Amay, San Francisco sang Asis, nag-amba ka sing pagdayaw sa Santos nga Iloy sang atong GInoong Jesus. Paagi sa iya, ginbun-ag si Kristo sa kalibutan, nangin tawo kag tungod sa grasya nangin utod pa gid naton. Kabay pa nga kami na nagadebosyon kag nagasunod sa imo espirituwalidad magsalig sa Reyna sang mga Angheles, ang Mahal nga Iloy Santa Maria agud sa inyo nga bulig sarang kami nga mabaton si Jesus nga may kaputli sing tagipusuon. Amen.
Himaya sa Amay, kag sa Anak, kag sa Espiritu Santo. Siling sa ginsuguran, sa karon kag sa gihapon, sa mga tuig sa katuigan nga tanan. Kabay pa.
Ninth Day
PANGAMUYO SA KADA ADLAW
Langitnon nga Amay, paagi sa sini nga nobena sa kadungganan sang among Serapikong Amay kag patron, San Francisco de Asis, ang nangin laragway sang Imo Anak diri sa kalibutan, luyag namon hibaloon ang iya pagkabala-an kag pagkasantos agud maaman namon ang amon kaugalingon padulong sa Imo. Buligi kami nga maagom ang himpit nga konbersyon agud nga kaangay ni San Francisco, amon mapa-abot sa Imo sa bug-os namon nga kusog sa bug-os namon nga tagipusoon kag kalag nga GINOO KO! IKAW ANG TANAN SA AMON!
IKASIYAM NGA ADLAW:
Mateo 18:19-20
Si Jesus nagsiling, “Nagasiling pa gid ako sa inyo, nga kon duha sa inyo maghisugot diri sa duta nahanungod sang butang nga inyo pangayuon sa pagpangamuyo, ina pagahimuon para sa inyo sang akon Amay sa langit. Kay kon diin ang duha ukon tatlo nga nagatipon sa akon ngalan, yara ako sa tunga nila.”
GIYA: Langitnon nga Amay, nagapangabay kami nga unta sa Imo kami batunon sa pag-alagad sa Imo. Paagi sa pagpangamuyo sining pangamuyo sang paghidaet.
TANAN: Ginoo, himoa kami nga instrument sang Imo paghidaet. Kon may kaakig sa amon tagipusoon, ipabatyag sa amon ang gugma. Kon may nakasala, magpatawad. Kon may pagduhaduha, pagtuo. Kon may kabutigan, kamatuoran. Kon nadulaan sang paglaum, maglaum. Kon may kadulom, kasanag kag kon may kasubo, kalipay.
O Balaan nga Ginoo, itugot nga indi ako maghandum sang sobra sa akon kinahanglanon. Nga pagalugpayan, subong nga maglugpay man sa iban. Nga mahangpan, subong nga maghangop man. Nga paghigugmaon, subong na maghigugma man. Tungod kon kita nagahatag, kita makabaton man, kon kita nagapatawad, kita ginpatawad man. Kag kon kita ang mapatay, dira kag matawo kita sa kabuhi nga wala sing katapusan. Amen.
PANGAMUYO SA KATAPUSAN
Halangdon nga San Francisco, nakita mo ang himpit nga kasadya sa pagpa-ubos kag padayon nga pag-antos. Ginahakus mo ang kabuhi ni Jesukristo, dayon nangin tampad siya sa imo pagtuo tubtob nga imo man naagom ang Iya pag-antus. Hatagi kami sing kusog kag kaisog sa pagkabuhi nga may paghigugma nga amo ang magadala sa amon sa kabuhi nga wala sing katapusan sa diin ang matarong mangin halangdon kag dalayawon sa Ginharian sang Dios, imol man sa duta-on nga butang apang napun-an sang Diosnon nga manggad.
O Serapikong Amay, San Francisco sang Asis, nag-amba ka sing pagdayaw sa Santos nga Iloy sang atong GInoong Jesus. Paagi sa iya, ginbun-ag si Kristo sa kalibutan, nangin tawo kag tungod sa grasya nangin utod pa gid naton. Kabay pa nga kami na nagadebosyon kag nagasunod sa imo espirituwalidad magsalig sa Reyna sang mga Angheles, ang Mahal nga Iloy Santa Maria agud sa inyo nga bulig sarang kami nga mabaton si Jesus nga may kaputli sing tagipusuon. Amen.
Himaya sa Amay, kag sa Anak, kag sa Espiritu Santo. Siling sa ginsuguran, sa karon kag sa gihapon, sa mga tuig sa katuigan nga tanan. Kabay pa.