M.SS. ANNUNZIATA

#GeraciSiculo, #ilgustodiviverelastoria, Diu vi salvi Regina / e Matri Annunziata / di Iraci avvucata / e gran patruna. / Lu gigghiu chi vi duna / l’Anciulu Gabrieli / è donu di lu celu / a vui mannatu. / In Vui s’è incarnatu / lu Figghiu di lu Patri / e vui fustivu matri / di Diu e nui. / Ma fustivu poi vui / cu’ manieri efficaci / chi vulistivu Iraci / a parti amari. / Chistu particolari / amuri comincia / da chi si fabbricau / sta città nostra. / Dall’ura chi fu nostru / ed anchi di la Cava / lu vostru cori amava / a tutti li iracisi / infatti sì, s’intisi / di tanti e tanti voti: / ‘ri fami e terremoti / nni libirastivu. / Giacchì runqui mustrastivu / particulari affettu / ora di ogni infettu / nn’ati a scanzari. / Vi vinnimu a pigghiari, / a posta lacrimannu, / nui, dunque, nun lintannu / v’avemu a godìri / Stu purtentu s’ha diri / ri quannu semu e sunnu / nell’universu munnu / l’omini. E s’ha eternari. / ‘N triunfi s’ha cantari: / viva l’Annunziata / che matri ed avvocata / è di Iraci.

www.hyeracijproject.it #ilborgocapitaledellaconteadeiVentimiglia!!!! © #2014HyeracijProject

Done