ALSO 4 SHARAH E.....

SOCH AOR ISLAM (an important topic written by dr shahzad afzal) "SOCH AOR ISLAM"

QUR'AN GHOR O FIKAR KI DAWAT SAY BHARA PARA HAY, AEK MARTA JUB SURAHE AALE IMRAN KI YE AAYAAT NAAZIL HUEEN TOW RASOOLULLAH (SALLALLAHU'ALAIHI WASALLAM) RAAT BHAR ROTAY RAHAY, FAJAR KI NAMAAZ SAY PEHLAY HAZRAT AAYESHA (R A) NAY WAJHA DARYAAFT FARMAAYI TOW FARMAAYA "KYA MAIN ALLAH KA SHUKARGUZAAR BANDA NA BANOON,(PHIR FARMAAYA) MAIN KYON NA ROTA HAALANKAY AAJ YE AAYAAT NAAZIL HUEEN {YAANI DARJ ZALE AAYAAT} PHIR FARMAAYA HALAAKAT HAY UUS SHAKHS KAY LIYAY JO IIN KO PERHAY AOR GHOR O FIKAR NA KERAY." AAYAT YE HAIN (TARJUMA) : " (PEHLAY SAY ALLAH KO YAAD KERNAY WAALAY AQALMAND LOGON KA ZIKR CHAL RAHA HAY) AOR AASMAANON AOR ZAMEENON KAY PEDA HONAY MAIN GHOR KERTAY HAIN (AOR GHOR KERNAY KAY B'AD KEHTAY HAIN KAY) AEY HAMAARAY RUB AAP NAY YE SUB BEKAAR TOW PEDA KIYA NAHEEN HUM AAP KI TASBEEH KERTAY HAIN AAP HUM KO AZAABE JAHANUM SAY BACHAA LIJIYAY"

ZYAADA NA HO SAKAY TOW KUCHH NA KUCHH GHOR O FIKAR ZAROOR KERNA CHAAHIYAY KHUSOOSAN IBAADAT KAY WAQT, MASLAN NAMAZ TARJUMA SAMAJHTAY HUAY PERHNA CHAAHIYAY, QUR'AN O HADEES KI KUM AZ KUM BUNYAADI CHEEZEN SAMAJHNI CHAAHIYEN, IISI TARHA ZIKR AORAAD KAY DORAAN BHEE SOCHNA CHAAHIYAY. HAZRAT IBN E ABBAS (R A) FARMAATAY HAIN KAY AEK SA'AT KA GHOR TAMAAM RAAT KI IBAADAT SAY AFZAL HAY, HAZRAT ANAS (R A) SAY BHEE YEHI NAQAL KIYA GAYA HAY. (FAZAAYILE AAMAAL)

MERAY ASH'AAR HAIN KAY :

*TAKHLEEQ MAIN GHOR O FIKER KERO

IBAADAT MAIN SHOK AOR JAAN BARHAAO

ISHQ E MANZIL MAIN TARAQI PAAO

MUJHAY HAQEEQI JAMAAL DIKHAATAY JAAO*

ROZ'MERA KI LAGI BANDHI ZINDAGI, DUNYAAWI KHUAHISHAAT KI DOR , MAADIYET, AOR GHER ALLAH PER INHESAAR AOR IIN SUB SAY TA'ALUQ KUM KER KAY ZIKR O FIKER KO WAQT DENA AOR DIL KI GEHRAAIYON SAY SOCHNA CHAAHIYAY. MASLAN SAMANDER YA DARYA KAY KINAARAY YA BARF POSH PAHAARON PER SOCHO JESA KAY MAIN NAY ABHI SOCHA TOW BUHUT SI IMAAN BARHAANAY WAALI BAATAIN ZEHEN MAIN AATI HAIN MASLAN HASEEN AOR BARAY NIZAAMON, NAZAARON, TAKHLEEQAAT AOR MAKHLOOQAAT KA KHAALIQ KHUD KITNA JAMEEL HO GA TOW UUS KI MOHABAT KI KASHISH KA KYA AALAM HONA CHAAHIYAY? KITNA KABEER, JALEEL AOR BUZURG HO GA TOW UUS KAY KHOF AOR HEBAT SAY MUSALMAAN KI KYA KEFIYAT, HAAL , ZINDAGI, TARJEEHAAT HONI CHAAHIYEN ?

KHOOB SOCHA KERO AEY AZIZ ! MASLAN MUKHTALIF MAKHLOOQAAT KI MUSHTARIKA AOR MUTAZAAD SIFAAT AOR AAZA PER SOCHO, INSAAN KAY DIL DIMAAGH JISM MAQSAD E TAKHLEEQ MAIN CHHUPI HIKMATEN SOCHO. NAR MAADA PEDAAYISH MOT KI HIKMATON MAIN SOCHO, FITRAT KAY DOOSRAY NIZAAMON PER SOCHO MASLAN RAAT DIN KA AANA JAANA, GRAVITY JESAY MUJZAY KI TAKHLEEQ, DARYAAYON BARFBAARIYON BAARISHON KHURAAK ECOSYSTEM WAGHERA KAY NIZAAM SOCHO , JIN MAKHLUKAAT KO JANAT DOZAKH KAY LIYAY DOBAARA PEDA NA KIYA JAAYE GA UUN KI TAMAAM ZAROORIYAAT KON PURI KERTA HAY WAGHERA WAGHERA SUB SOCHO AOR TAKHLEEQ O FITRAT KAY KHAALIQ AOR UUS KI QUDRAT PER IMAAN MAZBOOT KERO.

AGER SOCH LO KAY KITNI KHOOBSOORT HIKMAT AOR KHOOBI SAY ALLAH NAY INSAAN KAY IMAAN LAANAY AOR IBAADAT BANDAGI AOR JANAT KAY MAZAY PAANAY KAY LIYAY "SOCHNAY" KI SHART RAKHI HAY TOW POORAY KAAMYAAB HO JAAO GAY.

CHALO "YAHEEN" ISLAMI SOCH KI KUCHH MAZEED WAZAAHAT KER DETAY HAIN SOCHO MAIN INSAAN KAY ILAAWA KISI MAKHLOOQ KI AAPAS KI BOL CHAAL NAHEEN SAMAJH SAKTA, SOCHO MAIN MACHHLI KI TARHA PAANI MAIN REHNAY KA TASWUR NAHEEN KER SAKTA WAGHERA TOW QUR'ANI BAYAAN MASLAN FARISHTON AOR DOOSRI MAKHLUKAAT KI IBAADAT GUZAARI PER IMAAN AOR SOCH BARHANA KYA AOR KYON MUSHKIL HAY? AOR YOON KAAMYAABI AOR TAKMEELAY INSAANI FITRAT O IBAADAT KAY MAZAY PAANA KYA AOR KYOON MUSHKIL HAY? JUB AESA SUB KUCHH SOCHO GAY TOW PEGHAMBARON (A S) AOR BUZURGON KI HAQEEQI ROOHAANI O ZEHNI PERWI WAALI RAAH APNAAO GAY, UUN KAY MARAATIB O MAQAAMAT KA BEHTER ANDAAZA LAGA PAAO GAY. QUR'AN O HADEES SAY CHIMAT KER AAKHIRAT KAY TALABGAAR O SHOKEEN BANO GAY. HAAN AEY AZIZ ! YEHI ISLAM HAY YEHI TARZE SOCH KA FARQ HE SUB KUCHH HAY. QUR'AN O RASOOLULLAH (SALLALLAHU ALAIHI WASALLAM) KI GHULAM SOCH HE RAAHYAAB, AAZAAD, ROSHAN, MAZEDAAR, HAMESHA KAAMYAAB AOR PUR UMEED HAY.

Done