بعد ما طحت من عيني وذقت الموت بسبابك

عرفت انّك تبي الفرقا .. خساره ما توقعتك

 

وأنا اللي كني من حبي اعيش الموت بغيابك

غريبه كيف ما ادري .. أنا وشلون طاوعتك

 

تصور من بعد غدرك أسوق الدنيا لعتابك

أقلب با لحشا جرحي أناني وفيني طمعتك

 

بعد ما خنت وش تبغى أجي وابكي على بابك !!

أجي واذبح أحاسيسي .. كفى بدمعي رجعتك !!

 

ألا ليت الغرام اللي جمعنا وبالغدر عابك

يفيد القلب لو أني صحيح بعذر طلعتك

 

خطاي أني عطيتك خير ودايم احسب حسابك

خطاي أني عشقتك لين بصدق الحب ولعّتك

 

بعد ما طحت من عيني تعال وقلي وش جابك ؟؟

أذل النفس لعيونك ألا ياليتني بعتك

 

تبي تبرر خياناتك لقيت الجرح يطغى بك

وقلت لأهلك وناسك على موالي طبعتك

 

تجر الخنجر بظهري وأموت بقسوة اهدابك

على علمي الخطا مني وأنا اللي جيت وفزعتك

 

كفاية كنت لك دنيا وكنت بعينك أحبابك

 

كفاية انّك الخاين وأنا من طيبتي طعتك

 

دريت أن الغدر دايم يا قاسي حالة تنتابك

نسيت من الألم دنياك بدى ها لقلب في نعتك

 

بروح وطعنتك فيني وأقدر كل ما صابك

عرفتك من بدايتنا كثير بهجري أقنعتك

 

عظيمة غلطتي بحبك تعال وخذها أتعابك

ترى كل الخطا مني لأني بصدق دلعتك

 

أبلعن بالهوى طاريك .. وأطعنة لو هو هلا بك

يا باب الحب قفلنا .. تجاهل أني شرعتك

 

من الأول يا ولد الناس تذر بعيننا ترابك

وأنا قدام خلق الله بعيبك جيت ولمعتك

 

عشقت وخانني قلبك حسافة كيف يشقى بك

غريبة موتت احساسي وأنا لوناتي سمعتك

 

قبل تتطعن مشاعرنا حبيبي هدي أعصابك

ابيك تقول لي وشلون أنا لعيوني خضعتك

 

بعد ما خنتني واجنيت وصرت بحسبة أغرابك

لقيتك ناكر لطيبي يا جرح فيني أبدعتك

 

تظن اندم على بعدك .. يا كيف أسابق ركابك

خلاص الطعنة تكفيني يا عين الحزن جرعتك

 

حسافه خانني ظني هقيت الدنيا تحلا بك

تعبت أساير آهاتي يا ضيقة صدري وسعتك

 

طعنت القلب يا كاذب تصدق واضح إعجابك

الين الحين تخدعني وأنا من طيبي طاوعتك

 

ابد ماجيتك لشيٍ وكل طعوني ترضى بك

ابحلف من بعد ربي يا عيني لعينه ركعتك

 

بعد ما طحت من عيني وذقت الموت بسبابك

عرفت انك تبي الفرقا .. وهذا أنا ودعتك !؟؟