As Portas do Xurés construíronse gracias ao proxecto VALOR GERÊS-XURÉS (Proxecto cofinanciado ao 75% polo FEDER con fondos do POCTEP 2007-2013) nos concellos de Bande, Calvos de Randín, Entrimo, Lobeira, Lobios e Muíños.

As Portas do Xurés son infraestruturas fixas localizadas nas principais portas de entrada dun determinado territorio, neste caso no Parque Natural Baixa Limia-Serra do Xurés (PNBLSX), as cales teñen un conxunto diverso de obxectivos baseados na información/educación, promoción/comunicación e animación do territorio interrelacionando ós visitantes, á poboación e ós actores locais. No caso das Portas do Xurés estas son:

•Porta de Bande. Centro de Interpretación Aquis Querquennis (Porto Quintela).

•Porta de Entrimo. Centro de Interpretación da Xeomorfoloxía e a Paisaxe do Parque Natural Baixa Limia – Serra do Xurés.

•Porta de Lobios. Centro de Interpretación da Flora do Parque Natural Baixa Limia – Serra do Xurés.

•Porta de Lobeira. Centro de Interpretación da Etnografía do Parque Natural Baixa Limia – Serra do Xurés: Xaquín Lorenzo Fernández ¨Xocas¨.

•Porta de Calvos de Randín. Centro de Interpretación do Couto Mixto (Santiago de Rubiás).

•Porta de Muíños. Centro de Interpretación da Auga do Parque Natural Baixa Limia – Serra do Xurés (O Corgo - Mugueimes).

No ano 2018, puxéronse en marcha numerosas actividades de dinamización da RBTGX por parte da Deputación de Ourense a través do Proxecto GERÊS-XURÉS DINÁMICO. O proxecto GERÊS-XURÉS DINÁMICO está cofinanciado ao 75% polo Fondo Europeo de Desenvolvemento Rexional (FEDER) a través do Programa Interreg V A España - Portugal.