Queremos potenciar as vidas alternativas e os espaços autónomos. Nom somos um colectivo formal, nem um grupo de pressom ao estilo do actual movimento GLTB, mas um grupo de intervençom artística e social similar a primeira época de ACT UP. Somos “políticas” en quanto denunciamos a homofobia, o heterosexismo ou a precariedade económica, afectiva… de maneira directa, mas passamos do “politiqueio” e da entrada nas redes do estado ou na gestiom das políticas “sociais” e de “igualdade”. Nom queremos gastar energia na funesta e gris agenda política que propóm o actual movimento gai. Consideramos que a primeira revoluçom é a sobrevivência. Reivindicamos a diferença, a pluralidade e a diversidade. Aplaudimos a livre eleiçom. Desconfiamos da “igualdade” que nos oferecem por indesejável e irreal, ao estar confinada e amordaçada polos límites de umha heterossexualidade onipresente.