HELLO !歡迎入嚟參觀我嘅衣櫃!

記得喺83年暑假，買咗人生第一件波衫---雖然係一件普通不過嘅綠色 UMBRO 球衣，但從此就咁中咗嚴重'波衫毒'。90年代最高峰經已儲儲埋埋300幾件外國雜衫，直至96年某日，發現通街都充斥"老翻"，嗰陣決定暫且唔買外國球隊，重開始割讓部分收藏，而今回想起都覺得"心痛"。

病毒看似減輕，其實當時已轉移愛上咗色彩繽紛嘅J.League 球衣，熱愛程度更近乎著魔，至一發不可收拾!波衫痴最大目標，希望响重踢到波嘅時期，能夠儲到五百件日本球衣!所以就訂作J.LEAGUE500。不過轉眼經過20多年，現階段J.League球衣收藏品，慢慢已儲到超越1000 件喇!