هــــــلا

ياهلا فكرةٍ حنَّت وحـنَّ القصيـد

المزون المِشاعـر والسحايـب أنـا

ياقديم المودَّه مرحبـاً بـك جديـد

رد فيني شعورٍ كنت أظنَّـه فنـى

ولَّع الشَّوق جمره والهقـاوي بعيـد

وأعرف إنَّي أعيشك في غيابك سنه

إلتوى بي غرامك صِرت عاشق عنيد

مايهـزَّه كـلام ولايـردَّه عنـا

أنهَلَ الحُب عمرٍ والعُمـر مايزيـد

ماتفيد الحسوفه لين ضـاع الهنـا

أصعبَ العُمر لِلعاشق نهاره وحيـد

لين وقَّف وناظر في الهوى وش جنى

ياحبيبٍ نسيته بين قلـب ووريـد

في خفوقي مِشاعر والكِتابـه أنـا

:)