［關於我們］

Figure-concept 一直專注於人像公仔製作，亦唔做其他產品。

點解？我地希望一樣野做得好好，做到好專業，係呢個領域做得好出色。

我地比喻自己係間餐廳，對作品有要求，只要「食物」煮得好就會有人黎食。

當你想做Figure/公仔，希望你諗起我地，諗起我地是專門做人像公仔的。

人要有夢想，不是嗎？

［經驗］

從2008年入行，2010年註冊公司，唔少過10年時間；所做作品超過１０,０００套。

我地對物料溫度控制、硬度，到人類身體肌肉紋理、紀律部隊制服等，會有多少少研究同認識，相信我地既經驗能協助到大家。

［團隊］

團隊裡面人數不多，就幾個人；而大家都各自專業於不同領域。

有前面 對客人既同事，能提供專業意見、協助報價、跟進訂單、產品攝影、宣傳、包裝等等等等。

而背後 我地分 頭像師傅、身體師傅、場景師傅，亦有學徒新人負責較簡單工序（日後梯隊，明日之星）。

每個崗位，不可或缺，人就係公司靈魂。