وماجور يللي يذكرونك بعد ميهود ... وانا من جهدك اجهد ومن صحتك صاحي

وترى الحب يالطف الحشى ما يريد شهود ... وما ريته راعيه واعي ولماحي

وانا اسأل عنك الناس يا بوعيون سود ... وانا اسال عنك اللي يبارك مسراحي

وانا اسأل عنك الشمس لي صبحت والنود ... وعند الغروب اسألها عنك مرواحي

على شان في خدك شعاع الغواق وزود ... ونور القمر في خدك تقول مصباحي

على شانك اسهر يالغضي والعباد رقود ... وطيفك يذكرني بروياك وارتاحي

وعلى شانك اسهر واتريا خبر وردود ... كلام يريح خاطر دوم ما ارتاحي

هوى البيض يلعب بي ولا في بالهوى منقود ... ودرب الهوى له ذوق مع كل مزاحي

على الراية البيضا وكل العباد شهود ... وياما حلى حب نقي ووضاحي

كفاك الله شر الحساسيد والمقرود ... وحماك الولي من كل حاسد وفضاح