جتني تشيل الورد والوجـه ذبـلان

 

جتني تأسف عارفه ويـش خطاهـا

 

يابنت لو تدرين عن قصـة انسـان

 

عاش المراره فـي سنيـنٍ طواهـا

 

لوتسأليـن فـلان وفـلان وفـلان

 

السالفه كـلٍ درى ويـش وراهـا

 

يابنت أنا شاعر أحاسيس ووجـدان

 

قصايدي يشهـد لهـا مـن قراهـا

 

يابنت لو تدرين عن كـل مـا كـان

 

مـرارة الايـام تنسـي حـلاهـا

 

العين حمرا وداخل القلـب بركـان

 

والنفس تجزع من شماتـة عداهـا

 

انا اكضم الحسرات من خوف لاتبان

 

من خوف يدري حاسدي عن بلاهـا

 

أموت ولا يرقص على ظلي شيطان

 

ماارضى نزول النفس عن مستواها

 

يابنت لفي الورد في بيض الاكفـان

 

الورد مـات ومـا تنفـس هواهـ

ا

الحب ودعته بعـد ذيـك الاشجـان

 

والروح ما ترجع لماضـي شقاهـا