سـجه مـع الهـاجــوس طبيعـة ٍ لـي

طبيعـة ٍ بمـوت ماجـزت عنهـا

اشكـي علـى الخـلاق وارفـع لـه ايدي

لا كثـرة الافـكاريفـك منهــا

امـا الكـرم قد فاز بـه حـاتم الطـي

حتـى الفـرس مـن شـان ضيفـه طعنهـا

خلـوني اكـرم في حيـاتي وانـا حي

ولا مت مدري جثـتي من دفنهـا

خلقـت في الدنيـا وانـا مامعـي شي

وبـروح منـها مـامعـي شي منهـا

لابـد مـانرحل عن المـزح والغـي

ونسكـن بيـوت ٍ قـبلنـا من سكنهـا

مسكيـن ياللـي تحسـب الـواجد شـوي

العـافيـه لو تنشـري وش ثمنهـا

ويـاجاهـل الدنيـا تراهـا كمـا الفـي

يـامخبـل اللـي في حيـاته وظمنهـا