يا مرحبا يـا معنـي خـط الاقلامـي***مثايـل شوقتنـي فــي معانيـهـا

حي المثايل يا سلالة نسـل الكرامـي***يامن بيوتـه عـن الـزلات يحميهـا

من داثر الوقت وهذا طبـع الايامـي***مرات تصفى ومـرات الكـدر فيهـا

كم وارد ضامـي وصـدر بالحيامـي***وكم وارد شرب من صافـي مغانيهـا

لاتنظر اللي مضـى واتعـد الايامـي***ارعـى ربيـع الزمـان اول لياليهـا

حلو الليالـي تعـوض مـر الايامـي***ما يحسب الوقـت ويفكـر بماضيهـا

لوكان مابـي كتبتـه جفـت اقلامـي***من حرتـي ابـدع امثالـي وغنيهـا

رادار فكري يصور لي مضـى زامـي***في حندس الليل يوم ارتـاح غافيهـا

يوم الخلايـا تنـام وفكرهـا نامـي***حـرام عينـي لذيـذ النـوم يغفيهـا

حالي كما عشب صيف صابه الظامي***والا كمـا ورده جـفـت نواديـهـا

نار الغضى وتواقد في بحـر طامـي***خالـد وعيـا مولعـهـا يطفيـهـا

ريم رعى في الفياض وزهر الاوسامي***قايد خشوف اليـوازي فـي مفاليهـا

بارض المحيلة ولو توطا لها اقدامـي***تزهر وتضحك لهـا الدنيـا وتحيهـا

سود الليالي مـع صلفـات الايامـي***ناخـذ مجادمهـا ونتـرك تواليـهـا

نمشىعـدرب مـا توطـاه الاقدامـى***وان وعرت الارض يعجبنىالمشي فيه

ياخوي انا ريت رويان وهـو ظامـى***هل كيف عطشان في يارى سواقيهـا

ريح ضميرك ولو هايم بـه هيامـى***حق على اللي جرح نفسـك يداويهـا

يامفطر الوقت هـذا شهـر لصيامـي***ترى ليلة القـدر فـي اخـر لياليهـا

يازين هد الوحش في بعض الايامـي***في ديرة جفـرة عسـره مضاويهـا

اشقر طويل المعنـق يبـر لعظامـى***صوايده من فنـادي الصيـد يدميهـا

ياشيـخ هـذا زمـان كلـه انعامـي***الذيـب جايـع وشبعانـة حصانيهـا

لوكان يبغـي يغـزر نابـه الدامـي***هل كيف تكسر جوارحهـا ضواريهـا

كل مخلوق على الدنيـا فـلا دامـي***لابـد تنهـي مغازلهـا مطاويـهـا

واخر كلامي بحرف السين واللامـي***والميـم والعيـن تتلاهـا قوافيـهـا