Childhood's Memories

..

 

ودي ارجع معك طفلة صغيرة ..

 

العب بالرمل .. وابني بيت صغير بالطين ..

 

ويستثير هدوئي شيطانك وتتراقص في عيونك ابتسامة خبيثة ..

 

وتغافلني ..

 

وتهدم بيت احلامي .. وترمي نفسك على اطلاله تضحك و تضحك ..

 

وتستبطي صوت ضحكتي يتمازج بضحكتك ..

 

وتسكت .. وتلتفت لي ..

 

و تتوسع عيونك و تتوسلني

 

عشان ماتنزل دمعة الحزن من عيوني ..

 

وتفز من مكانك و تجلس جنبي ..

 

وتلامس اناملك الصغيرة رموشي الدامعة ..

 

و تقولي : أنا آسف .. كنت اريدج تضحكين ..

 

و أقولك : حراام عليك .. كنت ابني بيتي و بيتك ..

 

وتسكت و اسكت

 

و عيونا على بقايا بيتنا ..

 

و تقوم بهدؤ ..

 

وتجمع بقايا اركانه .. و تزينة بحديقة صغيرة ..

 

و اتبع حركاتك و تتجمد دموعي و تتلاشى ..

 

و ترتسم ابتسامة .. شكلها غير .. طعمها غير ..

 

واتقولي : خلاص رضيتي ؟!

 

واقولك : لا .. و تتوسع ابتسامتي ..

 

واوقف وامشي بهدوووؤ ملائكي ..

 

و اوقف ..

 

واخطي فوق بيتنا الصغير واهدمه.. وضحكه طفولية تسابقني ..

 

واستغل صدمتك

 

واركض وادخل تحت شيلة امي ..

 

واغمض عيوني عشان ماشوف عيونك وهي تهددني ..

,

 

,

 

,

 

وتمر سنيـــــين

 

 

 

و سنيــــــــن

 

 

 

 

خدعتني وقلت لي كل الرجال تتشابه ..

 

خدعتني ..

 

و غيرك داس احلامي مثل بيت طفولتنا ..

 

وهانت عليه دموعي ..

 

و مامسحها ..

 

By: Me :)

 

..

Done