[...مرتني الذكرى وانا واقف...]

في غ ـير الزمان

[...مرتني الذكرى وانا واقف...]

في نفس المكان

مرتني الذكرى وانا واقف

في ذا ضحكت ايام لكني بكيت

في ذا حلمت احلام لكني صحيت

ومنها ابتديت وفيها انتهيت

إلا من الذكرى

قالت لي الذكرى كلام عني

كلام والله بغيت انساه

وصاحت ربابة شوق واثر النغم مني

يشكي وانا شكواه

وغنى صوت في ليلة فرح

وهلت عين وقلب انجرح

في صوتها جرح او تعب

وفي عيونها نظرة عتب

وشفت ابتسامه عليها هلت الدمعة

ونظرة ملامه من الماضي على ربعه

وانا مع الذكرى

في نفس المكان

في غ ـير الزمان

 

 

.

.

.

.

.

 

 

 

تعطيني الذكرى ولا تاخذ ابد

تحكي لي الذكرى ولا تسمع لاحد

وانا عندي كلام ممنوع حتى عن الخاطر

لا ياخذه امسي ولا يقبله باكر

ماقدر اوضح غايم الصوره

ولا ازود للمسا نوره

 

.

.

.

.

.الله يا ذكرى ياما فهمتيني خطأ

يا ما قدم رجلي على جمرك وطأ

واليوم هيضني هواي

اشكي ولادري وش بلاي

هو من شقاي اللي مضى والا هناي

وانا مع الذكرى

في نفس المكان

في غ ـير الزمان

 

خالد الفيصل

 

Done